Banorët e karantinuar në qytetin kinez të Xi’an po shkëmbejnë ushqimet, mes shqetësimeve të vazhdueshme për mungesën e mallrave. Në postimet sociale, shihen vendasit duke shkëmbyer cigare dhe pajisje teknologjike për ushqime. Rreth 13 milionë janë izoluar në shtëpitë e tyre që nga 23 dhjetori.
Në platformat si Weibo, njerëzit kanë shkëmbyer cigare për disa lakra, detergjent në këmbim të mollëve dhe produkte higjienike në këmbim të perimeve. Disa kanë qenë optimistë dhe kanë falënderuar fqinjët e tyre për vullnetin e mirë që kanë treguar.
QytetiXi’an është kthyer në epiqendër të shpërthimit të ri të pandemisë në Kinë, prandaj autoritetet lokale janë duke zbatuar masa të ashpra, të cilat janë kritikuar gjerësisht.
Ky është shpërthimi më i rëndë i pandemisë në Kinë.
/abcnews.al
