Me lehtësimin e masave të izolimit gjatë kësaj jave, italianët po iu kthehen gradualisht në zakoneve të mëparshme, si dalja për shëtitje dhe shoqërimi.
Për më se dy muaj, kjo është hera e parë që janë hapur kafenetë dhe restorantet.
Në qytete si në Milano – që është qyteti më i goditur nga coronavirusi në Lombardi – tani ka shumë njerëz nëpër rrugë.
Shumë prej tyre janë duke i përdorur maskat, por mos mbajtja e distancës sociale është shqetësuese dhe këtë mungesë të rëndësishme, e kanë adresuar kryetarët e shumë qyteteve italiane.
“Nuk është koha për të festuar”, ka thënë shkurt kryeministri Guiseppe Conti.
Të tjerë udhëheqës, kanë përdoru edhe gjuhë më të ashpër, si kryetari i Milanos Giuseppe Sala i cili tha se është tejet i mllefosur, që po e sheh këtë “pikturë të keqe” ku shihen njerëzit duke u takuar nëpër sheshe.
“Ata nuk kanë vënë maska dhe po qëndrojnë së bashku, kjo është e patolerueshme, më duket sikur duhet të trefishojmë numrin e policëve që t’i ndjekin”, ka thënë Georgio Gori, kryetari i Bergamos.
Deri më tani, Italia ka regjistruar mbi 228,000 raste me coronavirus dhe më shumë se 32,400 vdekje të lidhura me këtë infeksion.
Lehtësimi i masave të izolimit në Itali, do të vazhdojë me hapjen e kufijve më tre qershor dhe lejimin e hyrjes së turistëve.
