Që sot, rreth 250,000 nxënës të shkollave fillore dhe të mesme janë në pushime dimërore. Nxënësit do të gëzojnë ditët e pushimit deri më 20 janar, kur fillon gjysmëvjetori i dytë i vitit shkollor 2025/2026, transmeton .
Në gjysmëvjetorin e dytë, siç njoftoi ministrja e Arsimit dhe Shkencës, Vesna Janevska, do të vazhdojë futja e mësimdhënies me një turn – deri më tani janë përfshirë rreth 200 shkolla. Certifikata elektronike do të futet në faza, këtë vit për nxënësit nga klasa e parë deri në të tretën, dhe në vitet shkollore pasuese për klasat më të larta.
Në fund të këtij viti shkollor, maturantët do të japin provimin shtetëror të maturës sipas një koncepti të ri, i cili është përshtatur plotësisht me llojin e arsimit (shkollë e mesme, profesionale ose artistike) që po përfundojnë.
Ministrja njoftoi se investimet në arsim do të vazhdojnë në vitin 2026 – është planifikuar një buxhet më i madh për shkencën, 166 projekte infrastrukturore, ndërsa nga marsi do të ketë rritje të pagave të mësuesve në arsimin fillor dhe të mesëm me 7.5 deri në 10 përqind.
