Jahoski me pasaportë të përkohshëm në Bosfor! VMRO-DPMNE kërkon përgjegjësi nga gjykatësit

Në profilin e Facebook-ut të deputetit të BDI-së, Ismail Jahoski, është postuar një foto nga Turqia, ku ai shfaqet me të birin, pronarin e Pucko Petrol, Asmir Jahoski, i cili dyshohet për abuzime në furnizimin me naftë për TEC Negotinë, transmeton TV21. Jahoski u lirua së fundmi nga paraburgimi dhe pasaporta e tij u konfiskua me urdhër për t’u paraqitur në gjykatë, me një garanci prej mbi dy milionë eurove. Opinioni reagoi ndaj largimit të tij në Turqi, që, sipas shpjegimit të babait të tij në foto, ishte diplomimi i një anëtari të familjes. Policia konfirmon se Jahoski u largua nga vendi më 30 maj përmes pikës kufitare Bogorodicë dhe u kthye sot përmes të njëjtit pikë kalimi. Pasaporta e përkohshme, pra me një periudhë të kufizuar vlefshmërie, i është lëshuar nga Ministria e Brendshme, dhe leja është dhënë nga Gjykata e Apelit në Shkup. VMRO-DPMNE kërkon përgjegjësi nga gjyqtarët. Duhet të ketë reforma në gjyqësor, thanë nga VMRO-DPMNE./TV21