Kryeministri i Republikës së Maqedonisë, Hristijan Mickoski, sot, duke u përgjigjur në pyetjen e një gazetari në lidhje me atë që parashikon projekti i ndërtimit të hekurudhës, që do të rezultojë nga paratë e marra si rezultat i Marrëveshjes së Partneritetit Strategjik me Mbretërinë e Bashkuar dhe kur do të nënshkruhet marrëveshja e investimit, deklaroi:Qeveria sot në seancë e saj të radhës ka miratuar marrëveshjen me Qeverinë britanike për partneritet strategjik dhe njëkohësisht e autorizoi zëvendëskryeministrin dhe ministrin e Transportit Aleksandar Nikolloski ta nënshkruajë në një ceremoni në Londër që është planifikuar të enjten e kësaj jave.
Në delegacionin qeveritar do të jenë edhe zëvendëskryeministri Izet Mexhiti, ministrja e Arsimit, Vesna Janevska dhe drejtori i HM Infrastrukturë, Sinisha Ivanovski
Në seancën e sotme të Qeverisë, Zëvendëskryeministri dhe Ministri i Transportit do të autorizohet të udhëtojë për në Londër për të nënshkruar marrëveshjen këtë javë. Mendoj se nesër ose pasnesër, të mërkurën ose të enjten, do të nënshkruhet zyrtarisht dhe kështu do të fillojë projekti për zbatimin e pjesës ekonomike të marrëveshjes së partneritetit strategjik me Mbretërinë e Bashkuar. E dini, ne tashmë ia kemi komunikuar këtë publikut. Ne kemi 5 miliardë paund, rreth 6 miliardë euro në dispozicion për projekte që janë strategjike, do të thoja transformuese për vendin.
Hekurudha është pjesë e Korridorit 10, i cili lidh Tabanovcën me Gjevgjelinë. Ky projekt përfshin modernizim të plotë, rindërtim dhe ndërtim të një binarësh tjetër paralel. Praktikisht do të kemi dy shina tani, të cilat do të lejojnë transportin e mallrave me një shpejtësi mesatare prej më shumë se 110 kilometrash në orë. Sot, trenat e transportit të mallrave zvarriten fjalë për fjalë kur lëvizin përgjatë Korridorit 10, në disa vende ata udhëtojnë me 5-10 kilometra në orë. Mesatarisht, ajo shpejtësi është diku rreth 25 kilometra në orë, dhe shpejtësia e pasagjerëve do të jetë rreth 160 kilometra në orë, kështu që do të ketë shkëmbim disa herë më të madh dhe më të shpejtë të transportit të mallrave dhe pasagjerëve.
Njëkohësisht, po e përfundojmë projektin për Qendrën Klinike në Shtip, e cila do t’i ofrojë kësaj pjese të vendit kujdes shëndetësor vërtet bashkëkohor dhe modern, duke përfshirë një Fakultet Mjekësor dhe një konvikt studentor me dyqind shtretër. Njëkohësisht, përveç kësaj, do të ndërtojmë Spitalin, për të cilin tashmë kemi arritur marrëveshje, në Kërçovë dhe rindërtimin e plotë të Spitalit Klinik në Tetovë.
Ky është vetëm fillimi, dhe pastaj hapi tjetër janë projekte të tjera në sektorin e energjisë, transportit dhe përsëri në kujdesin shëndetësor, pra këto janë investime kapitale. Dhe ende nuk mund të mos habitem nga disa komente që vijnë nga opozita, dhe u habita më shumë kur dje, erdhi komenti prej andej, se po marrim hua për investime kapitale.
Nuk e di vërtet se kush po e përgatit strategjinë e komunikimit në opozitë, por këshilla ime për ta është se nuk po shkojnë mirë dhe mendoj se Maqedonisë i duhet një opozitë cilësore, konstruktive, një opozitë që praktikisht do t’i shtojë vlerë asaj që artikulon si mesazh, dhe jo të veprojë, do të thoja, në mënyrë qesharake ndonjëherë.
