Qeveria do të funksionojë normalisht dhe do të ketë pothuajse dy të tretën e mbështetjes në Kuvend. Ky është komenti i deputetit Bojan Stojanovskit nga VMRO-DPMNE, në pyetjen e gazetarëve për deklaratën e halil Snopçes nga ASH-ja e Taravarit, i cili tha se nëse partia e tyre është jashtë Qeverisë, është e pashmangshme çështja për zgjedhje të reja parlamentare.
“Ne disa herë kemi thënë se shumica jozyrtarisht numëron dy të tretat gjegjësisht mbi 80 deputetë. Unë ju bind se edhe krahas kësaj situate, nëse bëhet aktuale, ndodh, Qeveria do të funksionojë krejt normalisht edhe më mirë se më parë. Ne jemi të gatshëm në çdo moment për zgjedhje të parakohshme, por ato nuk do të jenë bashkë me zgjedhjet lokale”, u përgjigj Stojanovski në pyetjen e gazetarëve.
Ai tha se nuk do ta mbështesë propozimin e LSDM-së që të parashtrohet propozim-ligj për mbështetje të familjeve të prekur nga tragjedia në Koçan.
Sipas tij, Qeveria e udhëhequr nga VMRO-DPMNE , do t’i dyfishojë ose trefishojë fondet, që ndahen për të gjitha komunat në Maqedoni, me qëllim ta ndihmojë Komunën e Koçanit.
Paralelisht, po zhvillohen negociata me disa investitorë të cilët tashmë kanë marrë vendim për të investuar në Republikën e Maqedonisë dhe për të ndërtuar kapacitetet e tyre në zonën industriale në Koçan. Dua t’ju kujtoj se Qeveria mbulon shpenzimet e atyre që po trajtohen jashtë vendit, por do të vazhdojë t’i ndihmojë ata që janë të lënduar, si dhe familjet e të ndjerëve”, tha Stojanovski në një konferencë për shtyp pas seancës së sotme të Komisionit parlamentar për çështje ekonomike, punë dhe politikë energjetike.
