Drejtori i BJB-së, Aleksandar Janev, informoi se sot janë marrë 240 kërcënime për bomba.
„Është kontaktuar me partnerët nga Interpoli dhe Europoli dhe ka disa gjurmë. Është kontaktuar me Kroacinë dhe Hungarinë, ku në periudhën e fundit janë përballur me kërcënime të ngjashme“, theksoi Janev.
Ai nuk ndau informacion se nga vijnë kërcënimet, por tha se qëllimi është të shkaktohet panik.„Shkollat nga sot do të marrin udhëzime të qarta se çfarë do të bëhet më pas nëse ndodhin ngjarje të tilla. Drejtorët e shkollave kanë vepruar sipas protokolleve. Policia e Maqedonisë dhe të gjitha agjencitë për zbatimin e ligjit kanë treguar një luftë të qartë dhe të vendosur kundër të gjitha llojeve të krimit. Nuk kemi marrë kërcënime për krim, ku nuk kemi reaguar apo vepruar. Fokusimi është të sigurojmë qytetarët nga aspekti i sigurisë, por edhe nga krimi. Të gjitha kërcënimet e sotme ishin të rreme“, tha Janev.
Sot pati një konferencë shtypi edhe ministrja e Arsimit dhe Shkencës, Vesna Janevska, e cila konfirmoi se kontrollimet nga Ministria e Punëve të Brendshme kanë treguar se kërcënimet për bomba ishin të rreme.
