Kandidatja demokrate për garën presidenciale të nëntorit në Shtetet e Bashkuara Kamala Harris ka thelluar epërsinë e saj në sondazhe ndaj rivalit të saj, ish presidentit amerikan Donald Trump.
Kjo është ajo çfarë tregon një sondazh I publikuar këtë të enjte nga agjencia e lajmeve Reuters në Bashkëpunim me Kompaninë Ipsos në nivel kombëtar.
Harris kryeson ndaj Trump me 4 pikë ose e thënë ndryshe 45% e Amerikanëve në këtë sondazh deklaruan se do të votonin kandidaten Demokrate në 5 nëntor ndërsa 41% e amerikanëve thane se do të votonin ish presidentin Trump.
Sondazhi i Reuters dhe Ipsos tregoi gjithashtu një epërsi të Harris me 13 pikë diferencë ndaj Trump tek votueset femra dhe tek Hispanikët me 49% të votave për Kamala Harris dhe 36% të votave për Donald Trump në këtë grupim.
Nga ana tjetër Donald Trump kryeson mbi Harris me 2 pikë diferencë sa i përket meshkujve dhe votuesve të bardhë.
Rezultatet e sondazhit më të fundit nga Agjencia e Lajmeve Reuters dhe Kompania Ipsos tregojnë sesi gara presidenciale e nëntorit në Shtetet e Bashkuara të Amerikës u trondit nga dorëheqja e Joe Biden si kandidati i demokratëve.
Që prej kur Kamala Harris është zgjedhur si kandidatja Demokrate për Garën Presidenciale të nëntorit, Donald Trump kandidati i republikanëve në këtë garë ka humbur epërsinë e tij pothuajse në të gjitha sondazhet.
