Rreth 30 milionë dollarë (rreth 28 milionë euro) u vodhën nga një magazinë parash në një nga grabitjet më të mëdha në historinë e Los Angelesit.
Hajdutët depërtuan në çatinë e ndërtesës përmes së cilës kishin hyrë brenda të dielën ndërsa grabitja u zbulua një ditë më vonë pasi u hap kasaforta, raporton skynews.
Është ende e paqartë se si hajdutët arritën të fiknin alarmin në objekt, për të cilin shefi i policisë, Elaine Morales tha se strehon para nga bizneset lokale të luginës së San Fernando.
Shumë pak njerëz dinin për sasitë e mëdha të parave të depozituara atje, raporton LA Times.
Byroja Federale e Hetimit (FBI) do të marrë pjesë në hetim me policinë dhe supozohet se nata e Pashkëve është zgjedhur për të shmangur vëmendjen nga bizneset përreth.
Ky detaj tërheq paralele me grabitjen famëkeqe të Hatton Garden në Londër, e cila ndodhi gjithashtu gjatë fundjavës së Pashkëve në 2015 – me sa duket për të shmangur zbulimin pasi bizneset aty pranë u mbyllën.
Vjedhja në Los Angelos vjen rreth dy vjet pasi 22 çanta me gurë të çmuar dhe sende të tjera me vlerë deri në 100 milionë dollarë u vodhën nga një kamion rreth 65 kilometra në veri të qytetit.
Hajdutët sulmuan kur njëri nga shoferët e armatosur ishte duke fjetur dhe tjetri po merrte ushqim në një pikë karburanti. Ata nuk u kapën kurrë.
