Kryeministri teknik, Talat Xhaferi thotë se Qeveria nuk është kompetente në lidhje me atë se asnjë shqiptar nuk është i punësuar në Njësitin Special Anti-terror të Policisë në Maqedoninë e Veriut “Tigrat”, përcjell TV21. Xhaferi thotë se për këtë duhet të përgjigjet Ministria e Punëve të Brendshme.TV21: Sot njësiti special “Tigrat” festojnë 43-vjetorin e themelimit. Kur mund të shohim të punësuar shqiptar atje?
“Do e adresoni pyetjen deri te Ministria për faktin që ajo është kompetencë e Ministrisë përkatëse, nuk është kompetencë e Qeverisë që të mund të them kur do të punësohet e kur nuk do të punësohet…është çështje me Ministrinë, kur të keni mundësinë do të parashtroni pyetjen”, tha Xhaferi./tv21.tv
