Mbeturinat i prodhojnë banorët e jo metërkatrorët e banesave apo shtëpive. Andaj shumë i palogjikshëm më duket vendimi i Këshillit komunal që nga muaji tjetër të bëhet përllogaritja e faturave të mbeturrinave në bazë të metërkatrorëve të amvisërive e jo në bazë të numrit të antarëve. Kështu sipas meje dukshëm do të dëmtohen banorët që jetojnë nëpër shtëpia e do të favorizohen ata që jetojnë në banesa. P.sh. nëse një familje 6 anëtarëshe që jeton në një shtëpi prej 300 metër katrori deri më tani ka paguar 444 denar për mbeturina, tani sipas metodologjisë së re do të paguaj 960 denar. Kurse një familje 6 anëtarëshe që jeton në një banesë prej 100 metër katrorë nga 444 denar sa paguan, tani e tutje do të paguj 320 denar.
© Telegrami.mk