Ndryshimet kushtetuese janë pjesë e marrëveshjes së arritur nga Maqedonia e Veriut dhe BE-ja për të vazhduar drejt fillimit automatik të procesit të anëtarësimit. Nuk ka kërkesa të tjera. Nëse ndryshimet në Kushtetutë nuk miratohen para fundit të vitit, ekziston rreziku i ndarjes së Maqedonisë së Veriut nga Shqipëria.
Këtë e ka bërë të ditur Laurence Bunn, sekretare shtetërore përgjegjëse për Evropë në Këshillin e Ministrave të Republikës së Francës, në një intervistë për MIA-n e pyetur nëse situata aktuale me ndryshimet kushtetuese mund të ndikojë në përgatitjen e raportit të shqyrtimit për vendin.
Konkretisht, Komisioneri Evropian për Zgjerim, Oliver Varheji, së fundi ka bërë të ditur se raporti i shqyrtimit për Tiranën do të prezantohet së shpejti, pa përmendur se kur pritet për Shkupin dhe nëse do të nënkuptojë de fakto ndarjen e dy vendeve në proces.
