Në vitin 2022, janë regjistruar 31 420 lindje brenda dhe jashtë Kosovës.
Këto statistika janë publikuar nga Agjencia e Statistikave të Kosovës, ku ka njoftuar se prej këtyre lindjeve të regjistruara, 22 632 lindje kanë ndodhur brenda territorit të Kosovës, nga të cilat 11 615 janë
meshkuj (51.3%) dhe 11 017 janë femra (48.7%), transmeton Zeri.info.
Kurse, jashtë Kosovës janë kryer 8 788 lindje.
Të lindur binjak në vitin 2022 (brenda dhe jashtë Kosovës) janë regjistruar 810 foshnje.
Më së shumti lindje të gjalla (brenda dhe jashtë Kosovës), ishin sipas grup-moshës së nënës (25-29 vjeç) me 10 671 lindje.
Emrat më të shpeshtë të lindjeve në vitin 2022 për femra ishin: Ajla (372 foshnje), Dua (289 foshnje), Bora (259 foshnje), Hana (242 foshnje), dhe Inara (230 foshnje).
Emrat më të shpeshtë të lindjeve në vitin 2022 për meshkuj ishin: Ajan (232 foshnje), Noar (217 foshnje), Nil (216 foshnje), Amar (214 foshnje), dhe Troi (211 foshnje)./Zëri
