Kryetari i Bashkimit Demokratik për Integrim, Ali Ahmeti ka uruar sot të gjithë qytetarët e Kosovës për liberalizimin e vizave.
Ahmeti në urimin e tij në Facebook shkruan se ky ishte një vendim i shumëpritur për Kosovën e cila ka dëshmuar gjithmonë orientimin e saj të palëkundur europian.
Urimi i plotë:
Përshëndes deklarimin e sotëm unanim të Parlamentit Europian pro liberalizimit të vizave për Republikën e Kosovës, që konfirmon lëvizjen e lirë të qytetarëve të saj në zonën Shengen nga 1 janari i vitit 2024.
Një vendim i shumëpritur, reflektim i drejtë ndaj realitetit të pakthyeshëm të shtetësisë së Kosovës dhe orientimit të saj të palëkundur europian.
Urime .
