Prej nesër pritet të ketë ulje shtesë të çmimit të miellit, nga prodhuesit tanë, gjë që do të ulë edhe më shumë çmimin e produkteve të furrës.
Qeveria po analizon nëse do të ketë ulje dhe ngrirje të çmimeve në industrinë e mishit, në prag festash.
Me masat e fundit të Qeverisë janë ulur çmimet e bukës, makaronave, vezëve, orizit, qumështit dhe produkteve të qumështit.
Në vazhdën e krizës së madhe ekonomike botërore, paga minimale nga marsi i këtij viti është ngritur në 20.175 denarë.
Paga minimale ka shënuar rritje të vazhdueshme që nga viti 2017, kur ishte 8.900 denarë, ndërsa në disa sektorë ishte vetëm 6.000 denarë.
Paga mesatare në vend për pesë vite është rritur për 44 për qind dhe tani është rreth 34.000 denarë.
Nga ky muaj pensionistët do të marrin rritjen më të lartë të pensionit historikisht prej 8,4 për qind, me rritjen mesatare të pensionit nga 17.666 denarë në 19.150 denarë.
Me këto masa, inflacioni është i përmbajtur dhe rezultatet do të jenë të dukshme shumë shpejt.
