Flokët e borës kanë rënë në Los Anxhelos, duke përfshirë edhe rreth shenjës ikonike të Hollivudit, ndërsa një stuhi dimri ka ‘mbërthyer’ Kaliforninë jugore këtë fundjavë.
San Francisko theu një temperaturë të ulët rekord prej 132 vitesh, deri në 4C të premten në mëngjes.
Dhjetëra miliona banorë në Golden State janë nën paralajmërime për stuhi, erë dhe përmbytje.
Los Angeles, një qytet i famshëm për palmat e tij dhe diellin, është nën paralajmërimin e parë të stuhisë në më shumë se tre dekada.
Në lartësitë më të ulëta mund të ketë reshje të konsiderueshme bore mbi zonat ku bora është e pazakontë. Gjithashtu janë paralajmëruar notarët në plazhet me famë botërore të shtetit që të kenë kujdes nga rrymat e forta. Autostrada kryesore e Bregut Perëndimor, Ndërshtetërore 5, u mbyll pjesërisht në jug të kufirit të Oregon.
Komunitetet malore mund të presin reshje dëbore midis 60cm dhe 2.1m. Paralajmërimet për ortekë janë vendosur në disa zona.
Pjesë të tjera të Kalifornisë që do të shohin një mbulesë të rrallë dëbore përfshijnë shkretëtirën Mojave, Luginën Santa Clarita dhe Perandorinë e Brendshme.
Top Channel
