Analisti politik dhe njohës i rrethanave politike, Faton Aliti, nëpërmes një statusi në rrjetet sociale, ka komentuar “kërkesën e Aleksandar Nikollovskit”, për shumicë pa shqiptarët dhe kërkesën që VMRO-ja të fitojë 61 deputetë.
Aliti megjithatë ka thënë se edhe sikur VMRO-ja të fitojë 61 deputetë e vetme, nuk ka shanse të krijojë shumicë pa shqiptarët.
“Qeveri pa parti shqiptare në Maqedoni nuk mund të ketë. Por edhe sikur të fitojnë 61+ mandate dhe të formohej qeveri e tillë, nuk i parashoh jetëgjatësi. Edhe në rast se do gjendet ndonjë kurban hoxhë sa për sy e faqe, përsëri mbetem në prognozimin e njejtë”, ka shkruar Aliti.
