Policia është në tre institucionet kryesore qeveritare në të cilat qytetarët kanë besimin më të madh, sipas sondazhit të fundit të Institutit Republikan Ndërkombëtar të publikuar dje.
Me një besim të lartë prej 50% të të anketuarve, policia dëshmon se është një institucion demokratik tërësisht i reformuar, që funksionon në favor të të gjithë qytetarëve. Sipas indeksit global të paqes, këtë vit jemi në shoqërinë e 36 vendeve më të sigurta në botë, vendi më i sigurt në grupin e Ballkanit Perëndimor.
Funksionimi i sistemit të sigurisë është baza e funksionimit të shtetit juridik. Ne vazhdojmë ta reformojmë policinë në një polici të kënaqur, të pajisur, të trajnuar që do të konfirmojë vazhdimisht ndjenjën e sigurisë tek çdo qytetar.
