BDI-ja e ka harruar vetingun e premtuar, Arbër Ademi: Të gatshëm ta dorëzojmë ligjin përsëri

Një ligj për veting të përgjithshëm u propozua nga BDI-ja në fillim të vitit 2020, kaloi filtrin e parë në Kuvend, por shpejt u harrua pas shpërndarjes së Kuvendit dhe zgjedhjeve të reja. Ai parashikonte kontrollimin e pastërtisë së gjykatësve, prokurorëve, nëpunësve të policisë dhe funksionarëve të zgjedhur dhe të emëruar. Një ditë pas njoftimit nga ambasadorja e SHBA për zbarkimin e një grupi ekspertësh amerikan për detektimin e funksionarëve të korruptuar, koordinatori i grupit parlamentar të BDI-së Arbër Ademi, thotë se janë të gatshëm ta dorëzojnë nismën përsëri në Kuvend.