Kandidati republikan: Demokratët po manipulojnë rezultatin.
Donald Trump dhe Kamala Harris po bëjnë çmos për të tërhequr vëmendjen e sa më shumë votuesve të pavendosur, teksa mbeten edhe 4 ditë nga zgjedhjet presidenciale.
Në një bashkëbisedim me ish-gazetarin e Fox News, Tucker Carlson, kandidati republikan iu rikthye akuzave të vjetra se kundërshtarët duan të manipulojnë edhe zgjedhjet e 5 Nëntorit, ashtu si në 2020-ën.
Ata duan të manipulojnë zgjedhjet. Po regjistrojnë për të votuar, njerëz që s’dinë ku ndodhen.
Ndërsa kandidatja demokrate në takimin e saj më të fundit elektoral në Las Vegas prezantoi Jennifer Lopez si mbështetësen e saj të radhës të famshme.
Ylli i kinemasë dhe muzikës foli për origjinën e saj familjare nga Porto Riko, ishulli që kohët e fundit po shfrytëzohet nga rivalët për të tërhequr mbështeje mes zgjedhjësve me rrënjë latine.
Diferenca mes rivalëve vijon të mbetet e ngushtë me një epërsi me jo më shumë se 1% të Kamala Harris-it.
Tv Klan
