Presioni i Beogradit nuk kryen punë, ja sa serbë aplikuan për tu bërë pjesë e ushtrisë së Kosovës

0
114

Edhe pjestarët e komunitetit serbë kanë aplikuar për tu bërë pjesë e FSK-së.

Është mbyllur konkursi i hapur nga Ministria e Mbrojtjes për 650 ushtarë të Kosovës, e për këto vende aplikuan mbi 5 mijë persona.orainfo

Por a pati të interesuar për të qenë pjesë e ushtrisë së Kosovës edhe nga komuniteti serb?

Presioni i politikës së Serbisë mbi serbët e Kosovës të cilët dëshirojnë të integrohen brenda funksionimit të shtetit të Kosovës, nuk po kryen punë.

Zëvendësministri i Mbrojtjes, Agim Çeku për lajmi. net e ka konfirmuar se për t’u bërë pjesë e ushtrisë kanë aplikuar nga të gjitha komunitetet në Kosovë, e gjithashtu ka edhe serbë.

“Po, kanë aplikuar nga të gjitha komunitetet, sigurisht nënkuptohet edhe serbë”, tha Çeku në një përgjigje të shkurtë për lajmi. net.

Vitin e kaluar nga 137 serbë që ishin janë pjesëtarë të FSK-së rreth 50 prej tyre kërkuan të largoheshin nga shërbimi ushtarak në këtë forcë, pas presionit nga Beogradi.

Në lidhje me këtë pati reaguar edhe Ministri i Mbrojtjes, Rrustem Mustafa i cili tha se pjestarët e FSK-së s’janë lejuar të vendosin lirisht për të ardhmen e tyre.

Madje, edhe kryeministri i Kosovës, Ramush Haradinaj pati deklaruar se presioni dhe kërcënimet e Beogradit po bëjnë që ushtarët serbë të Kosovës që largohen nga FSK-ja.

Sikur të mos mjaftonte me kaq. Presidenti i Serbisë, Aleksandër Vuçiq vazhdimisht kishte bërë thirrje tek serbët e Kosovës që të mos integrohen brenda shtetit të Kosovës.

Madje mbrëmë, Vuçiq u bëri thirrje serbëve të Kosovës mos të bëhen pjesë e ushtrisë së Kosovës, duke iu referuar konkursit të fundit të shpallur nga Ministria e Mbrojtjes.

Ai u shpreh se nëse serbët nuk janë të bashkuar dhe bëhen pjesë e Kosovës, do të jenë më të dobët dhe nuk do të mund të mbijetojnë.

Por, siç duket Serbisë nuk po i del propaganda, pasi serbët e Kosovës kanë shprehur vullnetin e tyre që të jenë pjesë e ushtrisë së Kosovës.

Ndërkohë, është bërë e ditur se testimet e rekrutëve të rinj do të bëhen në Ferizaj.

PËRGJIGJU

Please enter your comment!
Please enter your name here