11.8 C
Tetovo
E premte, 29 Mars, 2024
BallinaLajmeNë Ulqin do vendoset monumenti i Skënderbeut. Lufta për të shkruajtur në...

Në Ulqin do vendoset monumenti i Skënderbeut. Lufta për të shkruajtur në shqip emrin, dhe jo në serbisht “Đurađ”

Ulqin/Mediat malazeze kanë publikuar lajmin se Ministria e Kulturës i dha miratimin Komunës së Ulqinit për vendosjen e monumentit të Gjeregj Kastrioti Skenderbeg në rrethrrotullimin e bulevardit që mbante emrin e heroit kombëtar shqiptar.

Kryetari Ljoro Nrekiç e konfirmoi lajmin, duke theksuar se Ministria ka aprovuar ndërtimin e një monumenti prej bronzi, një metra e gjysmë të lartë, në një bazament prej tre metra e gjysmë. Këshilltarët bashkiakë të Ulqinit kishin propozuar vendosjen e monumentit me një lartësi 5 metra. Projekti është korigjuar disa gerë në lidhje me madhësinë e tij deri sa Ministria e Kulturës e drejtuar nga Aleksandar Bogdanoviç, morri vendimin e fundit. Për herë të parë, Nrekic mori miratimin nga Ministria e Kulturës për propozimin për programin dhe ndërtimin e monumentit për Gjergj Kastrioti, por asambleja vendase miratoi vendimin e paraqitur me emrin e plotë të heroit – Gjergj Kastriot Skenderbeg. Inspektori i Trashëgimisë Kulturore Veselin Krstiçeviç atëherë urdhëroi asamblenë të miratojë një project të ri i cili do të ishte në përputhje me vendimin e korrikut 2018 të Ministrisë së Kulturës.
“Komuna e Ulqinit mund të miratojë Programin për ngritjen e një memoriali duke ndërtuar një monument të heroit legjendar dhe udhëheqësit ushtarak Gjergj Kastrioti vetëm brenda pëlqimit të dhënë”, shkruan në vendimin e nënshkruar nga Bogdanovic në atë kohë.
Ai sqaroi në shpjegimin e tij se Nrekiç paraqiti për herë të parë një propozim për një program që nuk përputhej plotësisht me Ligjin për Përkujtimet. Ai sqaroi se, kur bëhet fjalë për figura të spikatura, ligji në thelb përcakton që, përveç shpjegimit të arsyeve të ngritjes së memorialit, duhet të lihen formulime të panevojshme për përmbajtjen e programit.
Në mars, Ministria nxori një vendim për aprovimin e ndryshimeve në programin për ngritjen e përmendoreve, që kishin të bënin me fshirjen e fjalës “Đurađ” dhe shtimin e fjalës “Skenderbeg” pas fjalës “Kastrioti”. Në fund të muajit tetor, parlamenti vendor miratoi propozimin e programit, në mënyrë që Ministria të aprovonte kërkesën e Nrekic në fillim të nëntorit.

Propozimi i ri, bazuar në projektin e arkitektit Shpetim Marai nga Ulqini, ndër të tjera, thekson se fronti në piedestalin e monumentit do të shkruhet në gjuhën shqipe “Gjeregj Kastrioti Skenderbeu 1405-1468” dhe gjuhën malazeze “Gjerg Kastrioti Skenderbeg 1405-1468”. Afati i ngritjes së monumentit është marsi i këtij viti, ndërsa paratë do të sigurohen nga diaspora shqiptaro-malazeze e bashkuar në fondacionin Simon Filipaj me OJQ-në Don Gjon Buzuka, i cili është iniciatori i projektit.
Monumenti do të jetë një kopje e një monumentit ekzistues në Tiranë.

Busti i Gjergj Kastrioti Skënderbeut u zbulua në tetor para shkollës me të njëjtin emër në Tuz.

Përmendorja e Skënderbeut në Tuz

Top Channel

RELATED ARTICLES
- Advertisment -

Most Popular

Recent Comments