Kur i gjithë ky makth të përfundojë dhe të rikthehet normaliteti, futbolli do të ketë sërish vëmendjen e madhe.
Nëse mund të gjejmë të vetmen gjë pozitive nga ndalesa e kampionateve për shkak të Koronavirusit, është koha që kanë lojtarët e dëmtuar për t’u rikthyer në fushën e lojës. Barcelona dhe Reali i Madridit do të kenë mundësi që të rikthejnë lojtarët e dëmtuar.
Barcelona
Luis Suarez mund të jetë arma sekrete e skuadrës së Kike Setienit. Ishte parashikuar që uruguaiani të rikthehej në fundin e sezonit, por tani që ndeshjet u shtynë, ai ka në dispozicion më shumë kohë për t’u rikuperuar dhe për të ndihmuar ekipin në momentin më delikat.
Real Madrid
E njëjta situatë edhe te skuadra e Zinedine Zidaneit. Eden Hazard, Tibo Kurtua dhe Marko Asensio mund të rikthehen në fushën e lojës për ndeshjet e rëndësishme dhe për fundin e sezonit, i cili nuk ka një parashikim se kur mund të përfundojë.
