12.8 C
Tetovo
E enjte, 28 Mars, 2024
BallinaLajmeAlbin Kurti / Qeveria në detyrë do të vazhdojë punën në luftimin...

Albin Kurti / Qeveria në detyrë do të vazhdojë punën në luftimin e pandemisë

Kryeministri në detyrë i Qeverisë së Kosovës, Albin Kurti ka reaguar pas rrëzimin të qeverisë nga mocioni i inicuar nga partneri qeverisës, Lidhja Demokratike e Kosovës.

Kurti me anë të një postimi në Facebook ka thënë se kjo ishte një rënie e domosdoshme, për ngritjen e nevojshme.

Sipas Kurtit, qëllimi i mocionit të mosbesimit nuk ishte rrëzimi i qeverisë sa dobësimi i qeverisjes.

“Do të vazhdojmë si qeveri në detyrë. Jemi qeveri me detyra dhe jo qeveri e detyruar. Para së gjithash, duhet ta luftojmë bashkë pandeminë Covid-19. Mbi të gjitha, le t’i rrimë popullit afër se Kosova është shtëpia jonë”, ka përfunduar Kurti.

Kuvendi i Kosovës më 25 mars me shumicë votash miratoi mocionin e mosbesimit ndaj qeverisë së udhëhequr nga Albin Kurti.

Mocioni u paraqit me iniciativën e Lidhjes Demokratike të Kosovës.

Shkas për këtë, sipas zyrtarëve të LDK-së, ishin mospajtimet mes partnerëve të koalicionit për shfuqizimin e tarifës ndaj mallrave serbe dhe shkarkimi i ministrit të Punëve të Brendshme, Agim Veliut nga ana e kryeministrit Kurti.

LDK-ja kërkonte shfuqizimin e plotë të tarifës, ndërkaq kryeministri Kurti filloi shfuqizimin gradual të saj, dhe theksonte se do të vendoste masën e reciprocitetit të plotë tregtar dhe politik me Serbinë.

Kurti e shkarkoi nënkryetarin e LDK-së, Agim Veliu nga pozita e ministrit, pasi ai mbështeti propozimin e presidentit të Kosovës, Hashim Thaçi për shpalljen e gjendjes së jashtëzakonshme për shkak të pandemisë së koronavirusit të ri.

RELATED ARTICLES
- Advertisment -

Most Popular

Recent Comments